ZANA ZALAKO Jon Martin Etxebeste
- Detalles
- Publicado: Asteazkena, 24 Otsaila 2021 10:07
Jon Martin Etxebeste izan genuen atzoko Zana Zalako saioko protagonista. Alaiaren anaia zaharra, Maixux eta Jabierren semea, Ugaldetxon hazi eta hezia. Bertsolaria, bidaiazalea; sortzea eta gauza berriak ikasi eta deskubritzea maite du txiki-txikitatik. Beira taldeko bihotza, egun aitatasuna eta doktore tesia dira bere bizitzako ardatz nagusiak. Dioenez, egin nahi duen guztia egin ahal izateko, beste bi edo hiru bizitza behar lituzke. Gehiago ezagutu nahi duzu? Ez galdu elkarrizketa!
| Fitxategia |
|---|
 ZANA ZALAKO JOn Martin 2021-02-23 web.mp3 |
Joseba Errekalde Lekuona izan dugu gaurko Zana Zalako saioko protagonista. "Joxe" edo "Joxetxo" gisa ere ezaguna, batez ere Garro, Etxetxiki, Ugaldetxo eta ikastolako garaietatik. Idoiaren anaia txikia, bizitza pasioz eta maitasunez bizi duena. Munduko bidaiari izan dena, egun Oiartzun eta Gasteiz artean bizi dena dugu Joseba. Biluztu egin zaigu gaur gurean. Harri Beltzako kide eta bihotz, Jainkoaren bidean aurkitu du lasaitasuna. Plazera izan da benetan, eskerrik asko, Joseba!
Maddi Sarasola Amigorena izan dugu urteko lehenbiziko Zana Zalako saioko protagonista. Malen eta Joxe Leonen alaba zaharrena, Iratxo eta Xuarren aurretik munduratua. Alaia, umila, bidaia zalea, musika eta dantza biziki maite dituena, eta bizitza pasioz bizi duena da Maddi. Gauza txikietan aurkitzen ditu bizitzako gauzarik handienak: natura eta ingurukoekin gustura bizi den oiartzuar gaztea da Maddi. Gehiago ezagutu nahi? Ez galdu aukera!
Alvaro Véliz Llanos izan dugu gaurko Zana Zalako saioko protagonista. Katalunian jaio zen, baina duela bost bat urtetatik Oiartzunen bizi da. Ederki egiten du euskaraz, baita oiartzueraz ere! Mendia, eskalada eta eskubaloia maite ditu. Fisioterapeuta da eta bere burua pertsona lasai eta alai gisa definitzen du. Mila esker etortzeagatik; plazera izan da, Alvaro!